კომპანია Kenwood - ის ისტორია იწყება 1947 წელს როდესაც ბრიტანელმა კენეტ მეინარდ ვუდმა თავის ავტოფარეხში დაიწყო სამზარეულო ტექნიკის წარმოება. პირველი პროდუქტი, რომელიც კენეტმა შექმნა იყო ტოსტერი A100. ეს იყო პირველი მოწყობილობა ევროპაში, რომელიც საშუალებას იძლეოდა პურის ნაჭერი ორივე მხრიდან ისე შებრაწულიყო, რომ მისი ხელით გადაბრუნება არ გამხდარიყო საჭირო.
1962 წელს კომპანია გაფართოვდა და გადავიდა ქალაქ ჰავანტში (დიდი ბრიტანეთი) სადაც ისინი დღესაც წარმატებით მოღვაწეობენ. 1950 - იან წლებში წარმოდგენილი იქნა Kenwood -ის სამზარეულოს მიქსერები, რომელთა შორის განსაკუთრებული წარმატება ხვდა წილად მიქსერს ”Kenwood Chef ”, რომელსაც მრავალფუნქციური დანიშნულება ჰქონდა.
დღეისათვის კომპანია Kenwood სამზარეულოს წვრილი ტექნიკის ერთ-ერთი მსხვილი მწარმოებელია მსოფლიოში. Kenwood მუდამ ზრუნავს მომხმარებელზე და ყოველწლიურად სთავაზობს მას ინოვაციურ და ხელმისაწვდომ პროდუქციას რათა კიდევ უფრო გაამარტივოს დიასახლისების ყოველდღიური ცხოვრება. კომპანია Kenwood შედის De'Longhi Group - ის (იტალიური წვრილი საყოფაცხოვრებო ტექნიკის მწარმოებელი) შემადგენლობაში, რომელმაც ის 2001 წელს შეიძინა.
