ბრენდი REMINGTON
REMINGTON

 1816 წელს ნიუ-იორკის შტატის სოფელ ”ილიონში” (აშშ) ახალგაზრდა ამერიკელმა კონსტრუქტორმა ელიფალეტ რემინგტონმა შექმნა იარაღის მწარმოებელი კომპანია ”Remington”, რომელმაც პოპულარობა მოიპოვა თავისი წარმოებული შაშხანებით.

 შემდგომში კომპანიას სათავეში ჩაუდგნენ ელიფალეტის შვილები. 1816-1896 წლებში კომპანია ”E.Remington & Sons” ცნობილი იყო, როგორც ერთ-ერთი უმსხვილესი იარაღის მწარმოებელი ბრენდი.

თავის სფეროში მიღწეულმა წარმატებებმა კომპანიის მფლობელებს საშუალება მისცა, რომ 1870-იან წლებში წარმოების სხვა მიმართულებებიც განევითარებინათ. კომპანიამ დაიწყო საკერავი მანქანების გამოშვება, მაგრამ განსაკუთრებული წარმატება მოუტანა პირველმა ”QWERTY” კლავიატურის მქონე საბეჭდმა მანქანამ ”Remington 1”.

1886 წელს კომპანია ”E.Remington & Sons”-მა გაყიდა საბეჭდი მანქანების წარმოების ბიზნესი.

1927 წლიდან  კომპანიას ეწოდა  ”Remington Rand” სწორედ ამ სახელწოდებით შევიდა ისტორიაში, როგორც საოფისე ტექნიკის ყველაზე დიდი მწარმოებელი (ძირითადად საბეჭდი მანქანები და შემდეგ კომპიუტერებიც), მაგრამ მომხმარებლების უმეტესობას ”Remington” დაამახსოვრდა როგორც პირველი კომპანია, რომელმაც 1937 წელს გაყიდვაში ჩაუშვა მსოფლიოში პირველი ”მშრალი პარსვის” ელექტრო საპარსი ”Remington Close Shaver”

1979 წელს კომპანია შეიძინა ამერიკელმა ვიქტორ კიამმა, რომელსაც თავისი ცოლის მიერ ნაჩუქრი ”რემინგტონის” საპარსი ისე მოეწონა, რომ მთლიანად კომპანია იყიდა.

კომპანიის განვითარების ახალი ეტაპი დაიწყო 1994 წელს, როდესაც ”Remington”-მა კომპანია ”Clairol”-ისგან შეიძინა თავის მოსავლელი საოჯახო ტექნიკის წარმოების ხაზი.

21-ე საუკუნის დასაწყისში ”Remington”-მა აქტიურად დაიწყო განვითარება და წინსვლა მსოფლიოს სხვადასხვა  ქვეყნებში და თავისი ძირითადი რესურსები მიმართა ინოვაციური და მაღალხარისხიანი თმის მოვლის მოწყობილობების შესაქმნელად.

2004 წელს ”Remington Products” შეიძინა კომპანიამ  ”Spectrum Brands”.

დღეისათვის ”Remington”-ის თმის მოვლის საშუალებები მსოფლიოს მრავალ ქვეყანაში სარგებლობს პოპულარობით თავისი ხარისხისა და ინოვაციურობის წყალობით.