Samsung სამხრეთ კორეის ერთ-ერთი უმსხვილესი კომპანიაა, რომელსაც საფუძველი ჩაეყარა 1938 წელს. მსოფლიო ბაზარზე ის ცნობილია, როგორც მაღალტექნოლოგიური კომპონენტების, სატელეკომუნიკაციო აღჭურვილობის, საოჯახო ტექნიკის და აუდიო-ვიდეო მოწყობილობების მწარმოებელი.

       კომპანია Samsung დააარსა ლი ბიონ ჩჰოლმა (Lee Byung-chull), რომელმაც 1938 წელს კორეის ქალაქ ტეგუში წამოიწყო თავისი საქმე, რომელიც ორიენტირებული იყო კორეული თევზის, ბოსტნეულისა და ხილის ექსპორტზე საზღვარგარეთ. 10 წლის შემდეკ კომპანია Samsung ფლობდა საკუთარ საფქვავ პუნქტებს, საკონდიტროებს და დამოუკიდებლად ეწეოდა სავაჭრო საქმიანობას.

      სიტყვა „სამსუნგი“ კორეულ ენაზე ნიშნავს ”სამ ვარსკვლავს“. კომპანია სწრაფი ტემპით განაგრძობდა ზრდას და გაფართოებას. განვითარების გზაზე იყო მნიშვნელოვანი მოვლენებიც და კრიზისული სიტუაციებიც, მაგრამ კომპანიამ ყველა განსაცდელი გადალახა და 1969 წელს კომპანია Sanyo - სთან გაერთიანებამ საფუძველი ჩუყარა Samsung Group - ის ერთ-ერთი ყველაზე დიდი ქვეგანყოფილების ”Samsung Electronics” შექმნას.

    1960-იან წლებში Samsung - მა ასევე წამოიწყო სადაზღვევო ბიზნესი, შეიძინა რა რამდენიმე მსხვილი სადაზღვევო კომპანია.

    1969 წელს Samsung - მა დაიწყო შავ-თეთრი ტელევიზორების წარმოება და საკმაოდ მაღალი გაყიდვებიც დააფიქსირა.

    1980 - იან წლებში კომპანიამ ეკონომიკური კრიზისი გადაიტანა. იმავე პერიოდში ქვეყანაში სამთავრობო პოლიტიკის (მსხვილი კორეული კომპანიებისთვის სახელმწიფო დახმარების და ეკონომიკური შეღავათების გაუქმება) ცვლილების შედეგად საჭირო გახდა გატარებულიყო რეფორმების მთელი სპექტრი, რომლებსაც სრულად უნდა დაეკმაყოფილებინა გარე ინვესტორები და მათი მოთხოვნები რათა მომხდარიყო კომპანიაში დამატებითი ინვესტიციების მოზიდვა. Samsung - მა წარმატებით განახორციელა რეფორმები რის შედეგადაც კომპანია კიდევ უფრო გაძლიერდა, და გაიმყარა პოზიციები საერთაშორისო ბაზარზე.

    1983 წელს Samsung - მა დაიწყო პერსონალური კომპიუტერების წარმოება.

  1991-1992  წლებში დასრულდა პირველი პერსონალური მობილური მოწყობილობებისა და მობილური ტელეფონების საწარმოს შექმნა.

     1993 წლეს მოხდა კომპანიის ლოგოს ცვლილება. ახალი ლოგო წარმოადგენდა ცისფერ ელიპსს, რომელშიც კომპანიის სახელი ეწერა. სწორედ ამ ლოგოთი გაიცნო Samsung მსოფლიო მომხმარებლების უმეტესობამ.

       ჩვენი დროის Samsung Group აერთიანებს სხვადასხვა სპექტრისა და დანიშნულების მქონე საწარმოებს და კომპანიებს, რომლებიც დაკავებული არიან ელექტრონული და მიკროელექტრონული პროდუქციის შექმნით, ქიმიური მრეწველობით, მშენებლობით, მანქანათმშენებლობით, მძიმე მრეწველობით, ფინანსებითა და კრედიტებით, დაზღვევით და სხვა.

     Samsung იქცა თხევადკრისტალური პანელების (LCD), კომპიუტერული მყარი დისკების (HDD), ოპერატიული მეხსიერებისა (SRAM) და მიკროჩიპების ერთ-ერთ უმსხვილეს მწარმოებლად. Samsung - ის მობილური მოწყობილობები კი მოწინავე პოზიციებს იკავებენ მთელ მსოფლიოში. Samsung 10 წლის განმავლობაში იკავებს პირველ ადგილს მსოფლიოში ტელევიზორების წარმოებისა და გაყიდვის მხრივ.

      კომპანიის სავაჭრო ბრუნვა 290 მილიარდ აშშ დოლარს აღემატება, საიდანაც სუფთა მოგება დაახლოვებით 30 მილიარდ აშშ დოლარს შეადგენს წელიწადში. Samsung იკავებს მე-7 ადგილს მსოფლიოს ყველაზე ძვირადღირებულ ბრენდებს შორის.