არსებობს მაცივრის რამდენიმე ტიპი: დასადგმელი (სტანდარტული), ჩასაშენებელი და გადასატანი. თითოეული მათგანი განსხვავდება ერთიმეორისაგან და გააჩნიათ საკუთარი უპირატესობები. მაგალითად დასადგმელი მაცივრები გამოირჩევიან თავიანთი დიზაინით, ასეთი მაცივრის შეძენისას მომხმარებელმა წინასწარ უნდა განსაზღვროს თუ რამდენად მოუხდება მაცივარი მისი სამზარეულოს ინტერიერს. ჩასაშენებელი მაცივრის შემთხვევაში მომხმარებელი უფრო თავისუფალია არჩევანში, რადგანაც ამ ტიპის მაცივრები ნებისმიერი სამზარეულოს ინტერიერს შეიძლება შევუხამოთ, გარდა ამისა ჩასაშენებელი მაცივრები სხვებთან შედარებით მცირე ადგილს იკავებენ სამზარეულოში, რადგანაც მათი ჩაშენება ხდება უშუალოდ სამზარეულოს ავეჯში და შედეგად იქმნება სამზარეულოს დიზაინი, რომელიც ერთ მთლიანობას წარმოადგენს. გადასატანი მაცივრები წარმოადგენენ შედარებით მცირე ზომის მოწყობილობებს, მაგალითად ასეთ ტიპს მიეკუთვნება ე.წ. მანქანის მაცივრები, რომლებიც მანქანის ელ. კვებისგან იღებენ ენერგიას. ასევე ამ ტიპის მაცივრებში გადის პატარა ერთკამერიანი მაცივრები, რომლებსაც პატარა ოფისებში ან მცირე ზომის სასტუმროებში ხმარობენ.

სახეობების მიხედვით მაცივრები იყოფა: ერთკამერიან, ორკამერიანი, სამკამერიანი და ”Side-by-side” (გვერდი-გვერდ) მაცივრებათ. ერთკამერიან მაცივარს აქვს ერთი კარი, რომელიც მაცივრის ძირითად განყოფილებას და საყინულეს აერთიანებს.ასეთ მაცივრებს როგორც წესი შედარებით მცირე ზომის საყინულე კამერები აქვთ. ორკამერიანი მაცივრების შემთხვევაში ძირითად განყოფილებას და საყინულეს ცალ-ცალკე კარები გააჩნია, ხოლო საყინულე კამერა საკმაოდ დიდი ზომისაა. ორკამერიან მაცივრებში საყინულე შეიძლება იყოს, მაცივრის ზედა ან ქვედა მხარეს, ეს მწარმოებლის კონკრეტულ მოდელზეა დამოკიდებული. სამკამერიანი - იგივე ორკამერიანი მაცივარია, რომელსაც კიდევ ერთი განყოფილება აქვს დამატებული. რაც შეეხება ”Side-by-side” (გვერდი-გვერდ) მაცივრებს თავისი მახასიათებლით ეს მაცივრები ორკამერიან მაცივრებს გვანან, ძირითადი სხვაობა არის კამერების განლაგებაში თუ ორკამერიანი მაცივრის საყინულე და სამაცივრე განყოფილებები ვერტიკალურადაა განლაგებული ”Side-by-side” (გვერდი-გვერდ) მაცივრის კამერები ერთმანეთის გვერდი-გვერდაა მოთავსებული, ასეთი მაცივრები ყველაზე დიდი გაბარიტებით გამოირჩევიან და შესაბამისად მეტი პროდუქტის შენახვის შესაძლებლობასაც გვაძლევენ.

თანამედროვე მაცივრის სისტემა შეიძლება იყოს ორი სახის: ნახევრად მშრალი და მშრალი ყინვის ე.წ. ”No Frost”. ნახევრად მშრალი - ამ სისტემის მაცივრებში შეიძლება შეგვხვდეს ორნაირი ტიპის გალღობის სისტემა: "წვეთოვანი" და მექანიკური. "წვეთოვანი" გალღობის მქონე სისტემაში ყინულის თხელი ფენა წარმოიქმნება მაცივრის უკანა კედელზე. შემდეგ ავტომატურად ხდება ყინულის გალღობა და სპეციალური არხების მეშვეობით დამდნარი ყინული იღვენთება სპეციალურ ასაორთქლებელ ელემენტზე საიდანაც ხდემა მისი აორთქლება. მექანიკური გალღობის სისტემის შემთხვევაში მაცივრის ყინულის საფარის გალღობა ხდება მექანიკურად (მაცივრის გამორთვით). ”No Frost” სისტემის შემთხვევაში სპეციალური სავენტილაციო არხების მეშვეობით ხდება ცივი ჰაერის ცირკულაცია მაცივრის შიდა კამერებში (ყინული არ წარმოიქმნება მაცივრის კედლებზე).

საყინულე კამერის მდებარეობა მაცივარში. საყინულე შეიძლება იყოს მაცივრის ზედა ან ქვედა განყოფილებაში.

ენერგომოხმარების კლასი მაცივრებში აღინიშნება ლათინური ასოებით ”A”-დან ”G”-მდე სადაც ”A” ნიშნავს ყველაზე ეკონომიურ ვარიანტს ხოლო ”G” პირიქით ყველაზე არაეკონომიურს (რაც უფრო დაშორებულია მაჩვენებელი ლათინურ ასო ”A”-ს (B,C,D...) მით უფრო მეტ ენერგიას მოიხმარს ტექნიკა). დღეისათვის თითქმის ყველა თანამედროვე მაცივრის ენერგომოხმარება შემცირებულია და ნორმის ფარგლებს არ სცილდება, ამაზე თვითონ მწარმოებლები ზრუნავენ და ყველანაირად აუმჯობესებენ თავიანთ პროდუქციას. არსებობენ კიდევ ”A+” და ”A+++” კლასის მაცივრები, რომლებსაც ენერგოეფექტურობის ყველაზე მაღალი მაჩვენებელი აქვთ.

მოწყობილობის ფიზიკური მახასიათებლები

დღესდღეობით არსებობს საკერავი მანქანის შემდეგი ტიპები: ელექტრომექანიკური - ეს არის საკერავი მანქანის ყველაზე მარტივი ტიპი, რომლის მუშაობა რეგულირდება მექანიკური გზით. ასეთი მანქანების უპირატესობებია მათი სანდოობა და დაბალი ფასი. თუმცა ამ ტიპის საკერავი მანქანები შედარებით მოძველებულად ითვლება, რადგან ისინი ჩამორჩებიან კომპიუტერიზირებულ მანქანებს ტექნოლოგიურ შესაძლებლობებში, კერვის სისწრაფესა და ფუნქციებში. ამ ტიპის მანქანები გამოსადეგია დამწყები მკერავებისთვის, რომლებსაც არ ესაჭიროებათ ფართო ფუნქციონალი. კომპიუტერიზირებული - ამ ტიპის საკერავ მანქანებში ჩამონტაჟებულია მიკროპროცესორი, რომელიც ხელმძღვანელობს უშუალოდ კერვის პროცესს, რაც გაცილებით აადვილებს მას. სწორედ მეხსიერებაზე და ფუნქციებზეა დამოკიდებული თუ რა შესაძლებლობები გააჩნია კონკრეტულ მოდელს. ამ ტიპის საკერავი მანქანების ფუნქციონალი საკმაოდ მრავალფეროვანია, თუმცა მანქანების ეს ტიპი მექანიკურთან შედარებით უფრო ძვირადღირებულია. აღსანიშნავია ის ფაქტორიც, რომ ასეთი ტიპის მანქანები თავად ირჩევენ საჭირო ნაკერის ტიპს, რაც მაქსიმალურად იცავს ნაჭერს დაზიანებისგან, ამიტომაც საკერავი მანქანების ეს ტიპი ყველაზე უნივერსალურია. საკერავ-საქარგავი ტიპი - ეს ტიპი ჰგავს კომპიუტერიზირებულს, თუმცა განსხვავდება იმით, რომ დამატებული აქვს ქარგვის და სხვა დამატებითი ფუნქციები. გარდა სტანდარტული ოპერაციებისა ამ ტიპის მანქანით შესაძლებელია შესრულდეს ნებისმიერი ზომის ნაქარგი. ამ ტიპის მანქანით კერვა მაქსიმალურად მარტივი და კომფორტულია. ოვერლოკები - ეს არის საკერავი მანქანების განსაკუთრებული ტიპი, რომელიც გამოიყენება ძირითადად ნაჭრის კიდეების შემოსაკერად, რაც ხელს უშლის დასამუშავებელი ნაჭრის დეფორმაციას და რღვევას. ამ ტიპის მანქანებს შეუძლიათ დაამუშავონ ისეთი თხელი ნაჭრებიც კი როგორებიცაა შიფონი და აბრეშუმი. თუმცა ისინი არ არის განკუთვნილი კერვისთვის და მხოლოდ საკერავი მანქანის დანამატს წარმოადგენენ. საქარგი- ეს ტიპი განკუთვნილია უშუალოდ გამოსაქარგად და არ გამოიყენება სხვა სახის ოპერაციებისთვის. მათ აქვთ განსხვავებული კონსტრუქცია, ფორმირებულია სპეციალური გამოსაქარგი დამჭერი ფეხებით, რომელთა დახმარებითაც შესაძლებელია ნაჭერზე სხვადასხვა საქარგი სქემების დატანა. კოვერლოკი - ამ ტიპის განმასხვავებელი ნიშანია ის, რომ ის ასრულებს როგორც ოვერლოკის, ასევე ბრტყელნაკერიანი მანქანის ფუნქციებს ერთად. მისი უპირატესობაა ის, რომ ის აერთიანებს ამ ორი მანქანის ფუნქციებს და ნაკლებ ადგილს იკავებს, აგრეთვე ამ ტიპის საკერავ მანქანას შეუძლია მრავალი სახის ნაკერის შესრულება. თუმცა ნაკლია ის, რომ საჭიროა მისი გადართვა ერთი სახის ნაკერიდან მეორეზე, როდესაც ამის საჭიროება არსებობს, რაც არცთუ ისე მოსახერხებელია.

მაქო ეს არის სპეციალური მექანიზმი, რომელიც უზრუნველყოფს მარყუჟის დაჭერას და მის შემოხვევას კოჭზე. არსებობს მაქოს რამოდენიმე სახეობა: რყევადი - ამ ტიპის მაქო გავრცელებულია დაბალი ფასის მქონე მოდელებში. მისი მოხმარებისას წარმოიშვება ვიბრაცია, რომელიც შესამჩნევად ზღუდავს კერვის სისწრაფეს და ნაკერის სიგანეს, რაც თავისთავად აუარესებს თავად ნაკერის ხარისხს. ვერტიკალური - ამ ტიპის მაქოს მუშაობა შედარებით უხმაუროა, ვიბრაციაც შესამჩნევად შემცირებულია და ის არ გამოტოვებს ნაკერს. აგრეთვე აღსანიშნავია ძაფის დაჭიმულობის რეგულირების მოსახერხებელი ფუნქცია. ამ ტიპის მაქოებისთვის მაქსიმალურად შემცირებულია ძაფის აბურდვის რისკი. ჰორიზონტალური - ეს არის ყველაზე მარტივი და მოსახერხებელი მაქოს ტიპი. ამ ტიპის მაქოებს გააჩნიათ ვერტიკალურის ყველა ფუნქცია. ის უზრუნველყოფს ძაფის კოჭზე დახვევის გამარტივებულ პროცესს. მაქოს ეს ტიპი ითვლება ყველაზე უფრო საიმედოდ და ხარისხიანად. მისი მეშვეობით ზუსტად შეძლებთ დარჩენილი ძაფის რაოდონობის შეფასებასა და კონტროლს. სწორედ ამ ტიპის მაქოს აქვს ვიბრაციის მინიმალური მაჩვენებლები.

ამ ფუნქციის საშუალებით ხდება ნაკერის სიგრძის რეგულირება.

გულისხმობს ინვენტორული ელექტრო ძრავის არსებობას ჭურჭლის სარეცხ მანქანაში. ასეთი ძრავები ბევრად უფრო ჩუმად და ეკონომიურად მუშაობენ.

გულისხმობს ჭურჭლის შრობის შესაძლებლობას ჭურჭლის სარეცხ მანქანაში. შრობა შესაძლებელია იყოს კონდენსაციური (სისველის აორთქლება ჭურჭლის ზედაპირიდან) და ცხელი ჰაერის დაბერვით. კონდენსაციური შრობა უფრო ეკონომიურია, ხოლო ცხელი ჰაერით შრობა უფრო ეფექტური.

დღეისთვის სარეცხ მანქანებში გამოიყენება ორი ტიპის ძრავი: კოლექტორული და ინვერტორული. სარეცხი მანქანების უმეტესობა აღჭურვილია კოლექტორული ძრავით, მისი მთავარი მახასიათებლებია კომპაქტურობა და შედარებით დაბალი ხმაურის დონე. როგორც წესი კოლექტორული ტიპის ძრავების გადაბმულობა სარეცხ ბარაბანთან ხორციელდება სპეციალური ღვედის მეშვეობით. რაც შეეხება ინვერტორული ტიპის ძრავებს ამ ძრავებით აღჭურვილნი არიან შედარებით ძვირადღირებული მოდელები (გამომდინარე ასეთი ძრავების დამზადების ძვირადღირებული პროცესიდან). ინვერტორული ტიპის ძრავების უპირატესობა მდგომარეობს მათ კომპაქტურობაში, და ბარაბანთან მათ გადაბმულობაში (განსხვავებით კოლექტორული ძრავისგან ინვერტორული ძრავა პირდაპირ ბარაბანზე ერთდება და აქედან გამომდინარე კიდევ უფრო ნაკლებ ადგილს იკავებს, მცირდება ვიბრაციის და ხმაურის დონე, იზრდება სამუშაო რესურსი).

სასარგებლო ფუნქციაა, რადგან ის იძლევა შესაძლებლობას თავად ავირჩიოთ მტვრის შეწოვის სიძლიერე, რადგან სხვადასხვა ზედაპირებისთვის საჭიროა სხვადასხვა სიმძლავრე, მაგ: რბილი ავეჯი არ საჭიროებს ისეთ სიმძლავრეს, რასაც ხალიჩა და სხვ.

რევერსის ღილაკი საშუალებას იძლევა კერვა განხორციელდეს უკუმიმართულებით.

ეს არის სპეციალური სანათი, რომელიც ჩამონტაჟებულია საკერავ მანქანაში და საშუალებას მოგცემთ უკეთ დაინახოთ სამუშაო ზედაპირი არასაკმარისი განათების დროს.

მტვერსასრუტის ფუნქციების მართვის ბლოკი მოთავსებულია სახელურზე.

არსებობს ჭურჭლის სარეცხი მანქანის ორი ტიპი: დასადგმელი (სტანდარტული) და ჩასაშენებელი. თითოეული მათგანი განსხვავდება ერთიმეორისაგან და გააჩნიათ საკუთარი უპირატესობები. მაგალითად დასადგმელი ჭურჭლის სარეცხი მანქანები გამოირჩევიან თავიანთი დიზაინით, ასეთი სარეცხი მანქანის შეძენისას მომხმარებელმა წინასწარ უნდა განსაზღვროს თუ რამდენად მოუხდება სარეცხი მანქანა მისი სამზარეულოს ინტერიერს. ჩასაშენებელი ჭურჭლის სარეცხი მანქანის შემთხვევაში მომხმარებელი უფრო თავისუფალია არჩევანში, რადგანაც ამ ტიპის ჭურჭლის სარეცხი მანქანები ნებისმიერი ინტერიერს შეიძლება შევუხამოთ, გარდა ამისა ჩასაშენებელი ჭურჭლის სარეცხი მანქანები სხვებთან შედარებით მცირე ადგილს იკავებენ, რადგანაც მათი მონტაჟი ხდება უშუალოდ ავეჯში და შედეგად იქმნება დიზაინი, რომელიც ერთ მთლიანობას წარმოადგენს.

კომპლექტების მაქსიმალური რაოდენობა, რომელიც შეიძლება ერთდროულად მოთავსდეს ჭურჭლის სარეცხ მანქანაში. კომპლექტად ითვლება ერთ ადამიანზე გათვლილი ჭურჭლის ნაკრები (ერთ ადამიანზე 7 ნივთი).

არსებობს სარეცხი მანქანის ორი ტიპი: დასადგმელი (სტანდარტული) და ჩასაშენებელი. თითოეული მათგანი განსხვავდება ერთიმეორისაგან და გააჩნიათ საკუთარი უპირატესობები. მაგალითად დასადგმელი სარეცხი მანქანები გამოირჩევიან თავიანთი დიზაინით, ასეთი სარეცხი მანქანის შეძენისას მომხმარებელმა წინასწარ უნდა განსაზღვროს თუ რამდენად მოუხდება სარეცხი მანქანა მისი აბაზანის ან სამზარეულოს ინტერიერს. ჩასაშენებელი სარეცხი მანქანის შემთხვევაში მომხმარებელი უფრო თავისუფალია არჩევანში, რადგანაც ამ ტიპის სარეცხი მანქანები ნებისმიერი ინტერიერს შეიძლება შევუხამოთ, გარდა ამისა ჩასაშენებელი სარეცხი მანქანები სხვებთან შედარებით მცირე ადგილს იკავებენ, რადგანაც მათი მონტაჟი ხდება უშუალოდ ავეჯში და შედეგად იქმნება დიზაინი, რომელიც ერთ მთლიანობას წარმოადგენს.

სარეცხი მანქანის ჩატვირთვის ტიპი დამოკიდებულია სარეცხის ჩასატვირთი ლუქის ადგილმდებარეობაზე. ფრონტალური ჩატვირთვის მქონე სარეცხ მანქანებში სარეცხის ჩასატვირთი ლუქი მოთავსებულია მანქანის წინა (ფრონტალურ) მხარეს. ასეთი ტიპის სარეცხ მანქანებში სარეცხის ჩასატვირთი ლუქი მზადდება გამჭვირვალე მასალისგან, რათა ადვილად ვაკონტროლოთ რეცხვის ხარისხი. კიდევ ერთი უპირატესობა რაც ამ ტიპის მანქანებს აქვთ არის ის, რომ საჭიროების შემთხვევაში შეგვიძლია მათი ხელასაბანის ან თაროს ქვეშ მოთავსება. ვერტიკალური ჩატვირთვის შემთხვევაში სარეცხის ჩასატვირთი ლუქი მოთავსებულია მანქანის ზედა მხარეს, რაც ასეთი ტიპის სარეცხ მანქანებს უფრო კომპაქტურს ხდის ფრონტალური ჩატვირთვის მქონე მანქანებთან შედარებით, რომელთა ლუქის გაღების შემთხვევაში საჭიროა დამატებითი სივრცე მანქანის წინ. ვერტიკალური ჩატვირთვის მქონე სარეცხი მანქანები თავისი სპეციფიურობიდან გამომდინარე უფრო ნაკლებადაა გავრცელებული და ტექნოლოგიური მახასიათებლებითაც შედარებით ჩამორჩება ფრონტალურ სარეცხ მანქანებს (მარტივი კონსტრუქცია, რეცხვის პროგრამების ნაკლები რაოდენობა)

ყველა სარეცხ მანქანას გააჩნია თავისი ინდივიდუალური, სარეცხის მაქსიმალური წონა. ეს პარამეტრი გულისხმობს მშრალი სარეცხის მაქსიმალურ წონას რომლის გარეცხვაზეც გათვლილია სარეცხი მანქანის კონკრეტული მოდელი. სარეცხის წონა შეიძლება იყოს 4კგ-დან (კომპაქტური მოდელები) 10კგ-მდე. საშუალო მაჩვენებლად ითვლება 6-7კგ რაც სავსებით საკმარისია მომხმარებელთა უმეტესობისათვის. 10კგ-ზე მეტი მაჩვენებლის მანქანები გამოიყენება სასტუმროებსა და სპეციალურ დაწესებულებებში (სამრეცხაო, ქიმწმენდა).

ბარაბნის ბრუნვის მაქსიმალური სიჩქარე წურვის დროს. რაც უფრო მაღალია ბრუნების რაოდენობა მით უფრო ეფექტურად ხდება სარეცხის გაწურვა, მაგრამ უნდა გავითვალისწინოთ, რომ ყველა ტიპის ქსოვილი ერთნაირად ვერ უძლებს მაღალი ბრუნით გაწურვას. ამიტომ სიჩქარე 1000ბრ/წთ უნდა გამოვიყენოთ შედარებით გამძლე ქსოვილების წურვის დროს. თანამედროვე სარეცხ მანქანებში ჩვენ შეგვიძლია თვითონ ვარეგულიროთ წურვის ბრუნვათა რაოდენობა და თუ საჭირო გახდა შეგვიძლია საერთოდ გამოვრთოთ წურვის რეჟიმი (განსაკუთრებით დელიკატური ქსოვილის რეცხვისას). წურვის მაქსიმალურ სიჩქარეზეა დამოკიდებული სარეცხი მანქანის ეფექტურობა (გაწურვის კლასი), თუმცა მარტო ეს პარამეტრი არ არის განმსაზღვრელი, დიდ როლს ასრულებს ასევე ბარაბნის დიამეტრი და წურვის ხანგრძლივობა. ამიტომ ერთნაირი წურვის სიჩქარის მქონე მანქანებს შეიძლება სხვადსხვა ეფექტურობის კლასი (გაწურვის კლასი) ჰქონდეთ.

არსებობს მტვერსასრუტების შემდეგი სახეობები: სტანდარტული, ვერტიკალური, კომპაქტური და რობოტი-მტვერსასრუტები. ისინი განსხვავდება არამარტო დიზაინით და ფასით, არამედ მთელი რიგი ფუნქციებითაც. სტანდარტული გამოიყენება სახლის პირობებში, ვერტიკალური შედარებით დიდი გაბარიტებისაა და მათ სიმძლავრეც მეტი აქვთ, ამიტომ გამოიყენებენ დიდი ფართების დალაგებისას, ძირითადად აგარაკების და ოფისების. ხოლო კომპაქტური ტიპი კი გამოიყენება მანქანის გასასუფთავებლად და მცირე ზომის ზედაპირიდან, მაგ ავეჯის რომელიმე სახეობიდან მტვრის ასაღებად. რობოტი-მტვერსასრუტები შედარებით ახალი შემოსულია ბაზარზე, თუმცა ისინი სულ უფრო და უფრო მეტ პოპულარობას იძენს. მტვერსასრუტების ეს ტიპი განკუთვნილია ყოველდღიური დალაგებისთვის და დაკავებული დიასახლისების მარჯვენა ხელს წარმოადგენენ, რადგან თავად, დისტანციური პულტის დახმარებით და ადამიანის დალაგების პროცესში უშუალო ჩართვის გარეშე უმკლავდებიან დაკისრებულ სამუშაოს.

სიმძლავრე მტვერსასრუტებისათვის ყველაზე მთავარ მახასიათებელს წარმოადგენს. მტვერსასრუტების სიმძლავრე გამოსახავს მოხმარებული ელექტროენერგიის რაოდენობას. ეს პარამეტრი მერყეობს 1000-3000 ვტ-მდე.

მოწყობილობის სამუშაოდ შეიძლება გამოიყენებოდეს კვების შემდეგი ტიპი: სადენზე, აკუმულატორზე, და მანქანის სანთებელაზე (12V) მომუშავე. აკუმულატორზე მომუშავე მოწყობილობების უპირატესობას წარმოადგენს ის, რომ არ ხარ დამოკიდებული კვების წყაროსთან ახლოს ყოფნაზე. მათი სიმძლავრე უფრო ნაკლებია სადენზე მომუშავე მოდელებთან შედარებით. სადენზე მომუშავე მოდელების მუშაობის დრო არ არის შეზღუდული. ერთადერთი რაც საჭიროა ეს არის ელექტროენერგია. ხოლო მოწყობილობები, რომლებიც მუშაობს ავტომობილის სანთებელაზე (12V) გამოიყენება ავტომობილის ინტერიერის დასასუფთავებლად.

არსებობს მტვრის სათავსოს 4 ძირითადი ტიპი: ნაჭრის ტომარა, ქაღალდის ტომარა, პლასტმასის კონტეინერი და წყლის კონტეინერი. ნაჭრის ტომრები ძალიან პოპულარულია, რადგან ის მრავალჯერადი მოხმარებისაა, თან საკმაოდ ტევადიც, მაგრამ მისი ნაკლია ის, რომ მათი გასუფთავებისას ხდება მტვერთან უშუალო კონტაქტი, რაც უდავოდ არასასიამოვნოა და აგრეთვე ის, რომ მათ მტვრის მცირე ნაწილაკების შეკავების უნარი არ გააჩნიათ. ამ მხრივ ქაღალდის ტომარა უფრო საიმედოა, რადგან ის შედგება რამოდენიმე ფენისგან და უფრო უკეთ იკავებს მტვერს, თუმცა საჭიროა მათი ხშირი ცვლა, რაც ძალიან არაკომფორტულია და დამატებით ხარჯებთანაა დაკავშირებული. პლასტმასის კონტეინერი ყველაზე მოსახერხებელია. ის არამარტო მყარად იკავებს მტვერს, არამედ არ საჭიროებს ხშირ წმენდას, ხოლო თავად წმენდის პროცესი კი ნაჭრის ტომარასთან შედარებით ბევრად უფრო კომფორტული და მოსახერხებელია. გარდა ამისა, ის როგორც წესი, გამჭვირვალეა, რაც საშუალებას იძლევა აკონტროლოთ მასში მტვრის დონე. თუმცა გასათვალისწინებელია ისიც, რომ ასეთი ტიპის კონტეინერის ხარჯზე საგრძნობლად იზრდება მტვერსასრურის გაბარიტები, ამიტომ თუ თქვენ გჭირდებათ მცირეგაბარიტიანი მტვერსასრუტი ეს ვარიანტი არ გამოგადგებათ. წყლის რეზერვუარები ფართოდაა გავრცელებული, რადგან მათი მეშვეობით ჰაერი რჩება უფრო სუფთა და ტენიანდება, რაც ერთგვარ კომფორტს ქმნის, მაგრამ მისი ნაკლია ის, რომ ასეთი კონტეინერი მტვერსასრუტის ყოველი გამოყენების შემდეგ აუცილებლად საჭიროებს ჭუჭყიანი წყლის გადაღვრას და თავად კონტეინერის გარეცხვა-გაშრობას, რაც ცოტა მოუხერხებელია. თუმცა ეს ტიპი პირდაპირ მისწრებაა ალერგიული ადამიანებისთვის, რადგან მტვერთან ურთიერთობა გამორიცხულია, როგორც დალაგების პროცესში, ასევე კონტეინერის გასუფთავების ანუ წყლის გადაღვრის პროცესშიც.

მშრალი ან სველი წმენდის ტიპი. მშრალი წმენდის შემთხვევაში მტვერსასრუტი მუშაობს სტანდარტულ რეჟიმში (მშრალ გარემოში იწოვს მტვერს). სველი წმენდის მქონე მტვერსასრუტებს შეუძლიათ სველ გარემოში მუშაობა, მათი უმეტესობა აღჭურვილია სპეციალური სარეცხი სისტემით, რომლითაც ხდება იატაკის მორეცხვა და შემდეგ მისი მტვერსასრუტით დასუფთავება.