ტიპის მიხედვით ქურები იყოფიან: გაზის, ელექტრო და კომბინირებულ (შერეულ) ტიპებად. გაზის ქურები გამოირჩევიან თავიანთი სიმარტივით და ეკონომიურობით. რაც შეეხება ელექტრო ქურებს, უსაფრთხოება და მრავალფუნქციალურობა მათი უპირატესობის მთავარი განმსაზღვრელია. კომბინირებული სისტემის ქურებში გაზთან ერთად გამოიყენება ელექტრო გამაცხელებელი სისტემებიც (ელექტრო ღუმელი, ელექტრო კომფორი).

ქურის ზედაპირის ტიპის მიხედვით ქურები იყოფიან: გაზის, ელექტრო და კომბინირებულ (შერეულ) ტიპებად. გაზის ქურები გამოირჩევიან თავიანთი სიმარტივით და ეკონომიურობით. რაც შეეხება ელექტრო ზედაპირის მქონე ქურებს, უსაფრთხოება და მრავალფუნქციალურობა მათი უპირატესობის მთავარი განმსაზღვრელია. კომბინირებული სისტემები კი ორივე ტიპის ქურის (გაზის და ელექტრო) ღირებულებებს აერთიანებენ თავის თავში.

ცხაურა თანამედროვე ქურებში შეიძლება იყოს: ემალის, გამოიყენება ბიუჯეტური კლასის ქურებში. ყველაზე სტანდარტული და გავრცელებული ვარიანტი გამომდინარე თავისი დაბალი ღირებულებიდან. ხმარების პერიოდში ადვილად იკაწრება. თუჯის ცხაურა, გამოირჩევა მაღალი მდგრადობით და დიდხანს ინარჩუნებს სიმხურვალეს.

უსაფრთხოების სისტემა გაზქურებში, რომელიც ცეცხლის ალის ჩაქრობის შემთხვევაში ავტომატურად წყვეტს გაზის მიწოდებას ქურის სისტემაში.

ღუმელის ტიპი განსაზღვრავს, როგორი გამათბობელი ელემენტი გამოიყენება მასში: გაზის თუ ელექტრო. გაზის ღუმელები სწრაფად ხურდებიან, მაგრამ შედარებით არათანაბრად აცხელებენ პროდუქტს. ელექტრო ღუმელები ნელა ხურდებიან, სამაგიეროდ უფრო თანაბრად ახდენენ პროდუქტის გაცხელებას. ზოგიერთ შემთხვევაში შეიძლება გამოყენებული იყოს ორივე ტიპის გამათბობელი (გაზის და ელექტრო).

ღუმელში არსებული მბრუნავი მექანიზმი, რომელზეც მაგრდება შამფური და რომელიც უზრუნველყოფს თანაბარ შებრაწვას.

მასალის ტიპი, რომლისაგანაც დამზადებულია მოწყობილობის კორპუსი.

მოწყობილობის ფიზიკური მახასიათებლები

არსებობს სარეცხი მანქანის ორი ტიპი: დასადგმელი (სტანდარტული) და ჩასაშენებელი. თითოეული მათგანი განსხვავდება ერთიმეორისაგან და გააჩნიათ საკუთარი უპირატესობები. მაგალითად დასადგმელი სარეცხი მანქანები გამოირჩევიან თავიანთი დიზაინით, ასეთი სარეცხი მანქანის შეძენისას მომხმარებელმა წინასწარ უნდა განსაზღვროს თუ რამდენად მოუხდება სარეცხი მანქანა მისი აბაზანის ან სამზარეულოს ინტერიერს. ჩასაშენებელი სარეცხი მანქანის შემთხვევაში მომხმარებელი უფრო თავისუფალია არჩევანში, რადგანაც ამ ტიპის სარეცხი მანქანები ნებისმიერი ინტერიერს შეიძლება შევუხამოთ, გარდა ამისა ჩასაშენებელი სარეცხი მანქანები სხვებთან შედარებით მცირე ადგილს იკავებენ, რადგანაც მათი მონტაჟი ხდება უშუალოდ ავეჯში და შედეგად იქმნება დიზაინი, რომელიც ერთ მთლიანობას წარმოადგენს.

სარეცხი მანქანის ჩატვირთვის ტიპი დამოკიდებულია სარეცხის ჩასატვირთი ლუქის ადგილმდებარეობაზე. ფრონტალური ჩატვირთვის მქონე სარეცხ მანქანებში სარეცხის ჩასატვირთი ლუქი მოთავსებულია მანქანის წინა (ფრონტალურ) მხარეს. ასეთი ტიპის სარეცხ მანქანებში სარეცხის ჩასატვირთი ლუქი მზადდება გამჭვირვალე მასალისგან, რათა ადვილად ვაკონტროლოთ რეცხვის ხარისხი. კიდევ ერთი უპირატესობა რაც ამ ტიპის მანქანებს აქვთ არის ის, რომ საჭიროების შემთხვევაში შეგვიძლია მათი ხელასაბანის ან თაროს ქვეშ მოთავსება. ვერტიკალური ჩატვირთვის შემთხვევაში სარეცხის ჩასატვირთი ლუქი მოთავსებულია მანქანის ზედა მხარეს, რაც ასეთი ტიპის სარეცხ მანქანებს უფრო კომპაქტურს ხდის ფრონტალური ჩატვირთვის მქონე მანქანებთან შედარებით, რომელთა ლუქის გაღების შემთხვევაში საჭიროა დამატებითი სივრცე მანქანის წინ. ვერტიკალური ჩატვირთვის მქონე სარეცხი მანქანები თავისი სპეციფიურობიდან გამომდინარე უფრო ნაკლებადაა გავრცელებული და ტექნოლოგიური მახასიათებლებითაც შედარებით ჩამორჩება ფრონტალურ სარეცხ მანქანებს (მარტივი კონსტრუქცია, რეცხვის პროგრამების ნაკლები რაოდენობა)

ყველა სარეცხ მანქანას გააჩნია თავისი ინდივიდუალური, სარეცხის მაქსიმალური წონა. ეს პარამეტრი გულისხმობს მშრალი სარეცხის მაქსიმალურ წონას რომლის გარეცხვაზეც გათვლილია სარეცხი მანქანის კონკრეტული მოდელი. სარეცხის წონა შეიძლება იყოს 4კგ-დან (კომპაქტური მოდელები) 10კგ-მდე. საშუალო მაჩვენებლად ითვლება 6-7კგ რაც სავსებით საკმარისია მომხმარებელთა უმეტესობისათვის. 10კგ-ზე მეტი მაჩვენებლის მანქანები გამოიყენება სასტუმროებსა და სპეციალურ დაწესებულებებში (სამრეცხაო, ქიმწმენდა).

ბარაბნის ბრუნვის მაქსიმალური სიჩქარე წურვის დროს. რაც უფრო მაღალია ბრუნების რაოდენობა მით უფრო ეფექტურად ხდება სარეცხის გაწურვა, მაგრამ უნდა გავითვალისწინოთ, რომ ყველა ტიპის ქსოვილი ერთნაირად ვერ უძლებს მაღალი ბრუნით გაწურვას. ამიტომ სიჩქარე 1000ბრ/წთ უნდა გამოვიყენოთ შედარებით გამძლე ქსოვილების წურვის დროს. თანამედროვე სარეცხ მანქანებში ჩვენ შეგვიძლია თვითონ ვარეგულიროთ წურვის ბრუნვათა რაოდენობა და თუ საჭირო გახდა შეგვიძლია საერთოდ გამოვრთოთ წურვის რეჟიმი (განსაკუთრებით დელიკატური ქსოვილის რეცხვისას). წურვის მაქსიმალურ სიჩქარეზეა დამოკიდებული სარეცხი მანქანის ეფექტურობა (გაწურვის კლასი), თუმცა მარტო ეს პარამეტრი არ არის განმსაზღვრელი, დიდ როლს ასრულებს ასევე ბარაბნის დიამეტრი და წურვის ხანგრძლივობა. ამიტომ ერთნაირი წურვის სიჩქარის მქონე მანქანებს შეიძლება სხვადსხვა ეფექტურობის კლასი (გაწურვის კლასი) ჰქონდეთ.

დღეისთვის სარეცხ მანქანებში გამოიყენება ორი ტიპის ძრავი: კოლექტორული და ინვერტორული. სარეცხი მანქანების უმეტესობა აღჭურვილია კოლექტორული ძრავით, მისი მთავარი მახასიათებლებია კომპაქტურობა და შედარებით დაბალი ხმაურის დონე. როგორც წესი კოლექტორული ტიპის ძრავების გადაბმულობა სარეცხ ბარაბანთან ხორციელდება სპეციალური ღვედის მეშვეობით. რაც შეეხება ინვერტორული ტიპის ძრავებს ამ ძრავებით აღჭურვილნი არიან შედარებით ძვირადღირებული მოდელები (გამომდინარე ასეთი ძრავების დამზადების ძვირადღირებული პროცესიდან). ინვერტორული ტიპის ძრავების უპირატესობა მდგომარეობს მათ კომპაქტურობაში, და ბარაბანთან მათ გადაბმულობაში (განსხვავებით კოლექტორული ძრავისგან ინვერტორული ძრავა პირდაპირ ბარაბანზე ერთდება და აქედან გამომდინარე კიდევ უფრო ნაკლებ ადგილს იკავებს, მცირდება ვიბრაციის და ხმაურის დონე, იზრდება სამუშაო რესურსი).

კონდიციონერის ნორმალურად ფუნქციონირებისათვის მაქსიმალურად დასაშვები ფართობი. გასათვალისწინებელია, რომ გარდა ფართობისა კონდიციონერის ეფექტურ მუშაობაზე გავლენას ახდენს სხვა ბევრი ფაქტორიც, მაგ: გასაგრილებელი (გასათბობი) ფართის თბოიზოლაცია, ფანჯრების რაოდენობა (განსაკუთრებით თუ ეს ფანჯრები მზიან მხარესაა), სხვადასხვა ტიპის ელექტრო ტექნიკის მუშაობა ოთახში და სხვა. მხოლოდ ამ ყველაფრის გათვალისწინებით შეიძლება ოპტიმალური სიმძლავრის კონდიციონერის შერჩევა კონკრეტული ფართისათვის.

ენერგომოხმარების კლასი მსარეცხ მანქანებში აღინიშნება ლათინური ასოებით ”A”-დან ”G”-მდე სადაც ”A” ნიშნავს ყველაზე ეკონომიურ ვარიანტს ხოლო ”G” პირიქით ყველაზე არაეკონომიურს (რაც უფრო დაშორებულია მაჩვენებელი ლათინურ ასო ”A”-ს (B,C,D...) მით უფრო მეტ ენერგიას მოიხმარს ტექნიკა). დღეისათვის თითქმის ყველა თანამედროვე სარეცხი მანქანის ენერგომოხმარება შემცირებულია და ნორმის ფარგლებს არ სცილდება, ამაზე თვითონ მწარმოებლები ზრუნავენ და ყველანაირად აუმჯობესებენ თავიანთ პროდუქციას. არსებობენ კიდევ ”A++” და ”A+++” კლასის მანქანები, რომლებსაც ენერგოეფექტურობის ყველაზე მაღალი მაჩვენებელი აქვთ.

არსებობს კონდიციონერის რამდენიმე ტიპი: მონობლოკის ტიპის კონდიციონერი ე.წ ”ფანჯრის კონდიციონერი”, ეს არის მცირე ზომის კორპუსის მქონე კონდიციონერი. სპლიტ-სისტემის ტიპის კონდიციონერი, ყველაზე გავრცელებული ტიპია დღესდღეობით. ის შედგება ერთი შიდა და ერთი გარე ბლოკისაგან, რომლებიც ერთმანეთთან სპეციალური მილით არიან დაკავშირებული. მულტისპლიტ-სისტემის კონდიციონერი, ამ შემთხვევაში ერთ გარე ბლოკზე შეიძლება დაერთებული იყოს რამდენიმე შიდა ბლოკი. ასეთი ტიპის სისტემები გამოიყენება დიდი ფართის მქონე ოფისებში. მობილური ტიპის კონდიციონერი, წარმოადგენს მოძრავ ბლოკს, რომელიც მოთავსებულია იატაკზე და სპეციალური გოფრირებული მილით არის გარე სივრცესთან დაკავშირებული.

კონდიციონერის სამონტაჟო ადგილი. კონდიციონერის ტიპიდან გამომდინარე შესაძლებელია მისი დამონტაჟება კედელზე, ჭერზე, იატაკზე ან სავენტილაციო არხში.

სამუშაო რეჟიმები, რომლის შესრულებაც შეუძლია კონდიციონერს. არსებობს შემდეგი სამუშაო რეჟიმები: გაგრილება. ფუნქცია, რომლის მეშვეობითაც კონდიციონერი ამცირებს ტემპერატურას გარემოში. გამოშრობა. ამ შემთხვევაში კონდიციონეს შეუძლია ოთახში არსებული ტენიანობის შემცირება. ვენტილაციის რეჟიმი, გულისხმობს კონდიციონერის მიერ ოთახის ჰაერის ცირკულაციას. გათბობა. კონდიციონერის მიერ ხდება გარემო ტემპერატურის მომატება გათბობა. დატენიანების რეჟიმი. კონდიციონერის მიერ ოთახის დატენიანების შესაძლებლობა, რომელიც შედარებით იშვიათად გვხვდება და მხოლოდ ძვირადღირებულ მოდელებში.