მსოფლიოში ერთ-ერთი ყველაზე ცნობილი საკერავი მანქანების მწარმოებელი კომპანია Brother International დაარსებული იყო 1908 წელს იაპონიაში, ქალაქ ნაგოიაში. თავდაპირველად ეს იყო საკერავი მანქანების პატარა სარემონტო მაღაზია. მისი დამფუძნელებელი კენეკიჩი იასუი (Kanekichi Yasui) თვითონ არემონტებდა საკერავ მანქანებს. 1925 წელს მისმა ორმა ვაჟიშვილმა დაარქვეს კომპანია Yasui Brothers’ Sewing Machine Company. აღმოჩნდა, რომ სარემონტო საქმიანობის და ძვირადღირებული ნაწილების ყიდვის ნაცვლად, ბევრად უფრო მომგებიანი იყო საკერავი მანქანების წარმოება. ამგვარად, 1932 წელს შექმინილი იყო პირველი მაქოს ტიპის საკერავი მანქანა.
ექსპერიმენტი წარმატებული აღმოჩნდა და დაიწყო საყოფაცხოვრებო საკერავი მანქანების მასობრივი წარმოება. ორ წელიწადში წარმოება ხუთჯერ გაიზარდა და სწორედ გაყიდვების ზრდამ განაპირობა 1941 წელს სრულიად ახალი განყოფილების შექმნა - Brother Sales, Ltd.
1947 წლიდან კომპანია კიდევ უფრო ფართოვდება და ნელ-ნელა მსოფლიო ასპარეზზე გადის. საკერავი მანქანების პირველი პარტია ჯერ ჩინეთში იყო გამოგზავნილი, შემდეგ კი სხვა ქვეყნებშიც. 1954 წელს, როდესაც კომპანიის ინჟინრებმა მოახერხეს ელექტრო საქსოვი მანქანის მოდელის შემუშავება, კომპანიამ ამერიკის შეერთებული შტატების ბაზარზე შევიდა. სწორედ ამის შემდეგ Brother-ის ბრენდმა დაიწყო თავისი გამარჯვებული მსვლელობა ყველა კონტინენტზე.
ძმები იასუი იყვნენ ნოვატორები. ისინი არა მარტო საკერავ და საქსოვ მანქანებს უშვებდნენ, არამედ პირველი პორტატული საბეჭდი მანქანაც შექმნეს. ეს მოხდა 1961 წელს. ამ წარმოებაში იგივე ტექნოლოგიები იყო გამოყენებული, როგორც საკერავ და საქსოვ მანქანებზე. ამიტომაც პროცესი სწრაფად დალაგდა და საბეჭდი მანქანების ფასი სხვა კონკურენტებთან შედარებით უფრო დაბალი იყო. რა საკვირველია, პროდუქციაც და ბრენდიც მალევე გახდნენ პოპულარულები.
1962 წელს რამდენჯერმე შეცვლილი სახელწოდება მიიღებს თანამედროვე სახეს "Brother Industries, Ltd". დღეს ეს წარწერა ამშვენებს უამრავ მოწყობილობას, რომლებიც მთელ მსოფლიოში იყიდება.
კომპანიის სწრაფმა განვითარებამ და მისმა ევროპულ ბაზრებზე შემოსვლამ განაპირობა ის, რომ ზემოთ აღნიშნული პროდუქციის გარდა, კორპორაციამ ასევე დაიწყო პრინტერებისა და ფაქსების წარმოება.
1971 წელს გამოშვებული იყო მსოფლიოში პირველი მაღალსიჩქარიანი მარტიცის ტიპის პრინტერი Brother M101. მისი უპირატესობა იყო ის, რომ ამ პრინტერს შეეძლო არა მარტო ტექსტის ბეჭდვა, არამედ სხვადასხვა ფიგურების და ნახატის ქაღალდზე გადმოტანა.
პარალელურად, კომპანია ყოველთვის ავითარებდა თავის თავდაპირველ და ძირითად საქმიანობას. იმავე 1971 წელს ისინი ათი მილიონიანი საკერავი მანქანა გამოუშვეს. 1995 წლისთვის კი - ოცდაათი მილიონი საკერავი მანქანა.
დღეს ბრენდის ყველა ტექნიკა Brother-ის საკუთარ ქარხნებში იწარმოება. მთელი მსოფლიოს მასშტაბით კომპანიაში 37000-ზე მეტი თანამშრომელი მუშაობს. ხოლო ქარხნები ბევრ სხვადასხვა ქვეყანაში მდებარეობს, მათ შორის ვიეტნამში, ფილიპინებში, ჩინეთში, აშშ-სა და სლოვაკეთში. 2020 წლისთვის გაყიდვებიდან მიღებული შემოსავალი 5 მილიარდ დოლარს გადააჭარბა. ეს კიდევ ერთი დასტურია იმისა, თუ რამდენად წარმატებული და პოპულარული გახდა Brother.
კომპანიის პროდუქციისთვის დამახასიათებელია ექსპლუატაციის სიმარტივე და მოდელების ფართო ასორტიმენტი, რომლებიც განსხვავდება როგორც ტექნიკური შესაძლებლობებით, ასევე ფასით. ზუსტად ამიტომ ნებისმიერი დონის მკერავი ან უბრალოდ მოყვარული ადვილად იპოვის თავის საკერავ მანქანას.
2008 წელს Brother-მა განაახლა საკერავი მანქანების ასორტიმენტი. მათ შორის გამოირჩევა სახლის მოხმარებისთვის განკუთვნილი საკერავი მანქანების პოპულარული სერია Brother Prestige 300,200,100,50. ამ მოდელებს აქვთ კლასიკური რხევადი მაქო, რომელიც აღჭურვილია ავტომატური ნემსის შევსების მექანიზმით და ქვედა ძაფის სწრაფი შევსების ფუნქციით. მსგავსი მონაცემები მაგრამ ჰორიზონტალური მაქო აქვს სერიას Brother Comfort 40, 60, 35A, 25, 25A, 15, 10.
გარკვეული პერიოდის შემდეგ ბაზარზე გამოჩნდნენ Brother SM-360 და 340, რომლებსაც აქვთ სამუშაო ზედაპირის ორმაგი LED განათება და გაუმჯობესებული ეკრანის განათება. Brother Boutique 27, 37 სერიის მოდელები უფრო საიმედოა ექსპლუატაციაში და იდეალურია მზა პროდუქციის კერვისთვის.
საკერავი მანქანების შემდეგი სერია Brother NV-600, 400, 200 და უფრო გამარტივებული მოდელები Brother NV-10, 30, 50 შექმნილია როგორც ძირითადი კერვისთვის, ასევე შემოქმედებისთვის. ორივე სერია განკუთვნილია ინტენსიური მუშაობისთვის და მაღალი საიმედოობით გამოირჩევა.
ასევე, უნდა აღვნიშნოთ საკერავ-საქარგავი და საქარგავი მანქანები Brother NV-90, 900, 1500D, 4000D, რომლებსაც აქვთ ფანტასტიკური შესაძლებლობები ნებისმიერი ტიპის დიზაინისთვის.
Brother-ს შემუშავებული აქვს უნიკალური საკერავი მანქანაც, რომელსაც ერთდროულად 4 სხვადასხვა ფუნქცია აქვს: კერვა, ქარგვა, კომბინირება და ქვილთინგი.
დღესდღეობით, Brother-ის კომპანია ლიდერია საკერავი, საქსოვი, საქარგავი და საბეჭდი მანქანების მწარმოებლებს შორის. ასევე, კომპანია აწარმოებს ფაქსებს, სკანერებს, პრინტერებს, ტექსტურ პროცესორებს და საყოფაცხოვრებო ტექნიკას. მათი დევიზია „ჩვენ შენს მხარეს ვართ“. პროდუქციის მაღალი ხარისხი კი დიდი ხანია მსოფლიო სტანდარტად იქცა.
