დღესდღეობით არსებობს საკერავი მანქანის შემდეგი ტიპები: ელექტრომექანიკური - ეს არის საკერავი მანქანის ყველაზე მარტივი ტიპი, რომლის მუშაობა რეგულირდება მექანიკური გზით. ასეთი მანქანების უპირატესობებია მათი სანდოობა და დაბალი ფასი. თუმცა ამ ტიპის საკერავი მანქანები შედარებით მოძველებულად ითვლება, რადგან ისინი ჩამორჩებიან კომპიუტერიზირებულ მანქანებს ტექნოლოგიურ შესაძლებლობებში, კერვის სისწრაფესა და ფუნქციებში. ამ ტიპის მანქანები გამოსადეგია დამწყები მკერავებისთვის, რომლებსაც არ ესაჭიროებათ ფართო ფუნქციონალი. კომპიუტერიზირებული - ამ ტიპის საკერავ მანქანებში ჩამონტაჟებულია მიკროპროცესორი, რომელიც ხელმძღვანელობს უშუალოდ კერვის პროცესს, რაც გაცილებით აადვილებს მას. სწორედ მეხსიერებაზე და ფუნქციებზეა დამოკიდებული თუ რა შესაძლებლობები გააჩნია კონკრეტულ მოდელს. ამ ტიპის საკერავი მანქანების ფუნქციონალი საკმაოდ მრავალფეროვანია, თუმცა მანქანების ეს ტიპი მექანიკურთან შედარებით უფრო ძვირადღირებულია. აღსანიშნავია ის ფაქტორიც, რომ ასეთი ტიპის მანქანები თავად ირჩევენ საჭირო ნაკერის ტიპს, რაც მაქსიმალურად იცავს ნაჭერს დაზიანებისგან, ამიტომაც საკერავი მანქანების ეს ტიპი ყველაზე უნივერსალურია. საკერავ-საქარგავი ტიპი - ეს ტიპი ჰგავს კომპიუტერიზირებულს, თუმცა განსხვავდება იმით, რომ დამატებული აქვს ქარგვის და სხვა დამატებითი ფუნქციები. გარდა სტანდარტული ოპერაციებისა ამ ტიპის მანქანით შესაძლებელია შესრულდეს ნებისმიერი ზომის ნაქარგი. ამ ტიპის მანქანით კერვა მაქსიმალურად მარტივი და კომფორტულია. ოვერლოკები - ეს არის საკერავი მანქანების განსაკუთრებული ტიპი, რომელიც გამოიყენება ძირითადად ნაჭრის კიდეების შემოსაკერად, რაც ხელს უშლის დასამუშავებელი ნაჭრის დეფორმაციას და რღვევას. ამ ტიპის მანქანებს შეუძლიათ დაამუშავონ ისეთი თხელი ნაჭრებიც კი როგორებიცაა შიფონი და აბრეშუმი. თუმცა ისინი არ არის განკუთვნილი კერვისთვის და მხოლოდ საკერავი მანქანის დანამატს წარმოადგენენ. საქარგი- ეს ტიპი განკუთვნილია უშუალოდ გამოსაქარგად და არ გამოიყენება სხვა სახის ოპერაციებისთვის. მათ აქვთ განსხვავებული კონსტრუქცია, ფორმირებულია სპეციალური გამოსაქარგი დამჭერი ფეხებით, რომელთა დახმარებითაც შესაძლებელია ნაჭერზე სხვადასხვა საქარგი სქემების დატანა. კოვერლოკი - ამ ტიპის განმასხვავებელი ნიშანია ის, რომ ის ასრულებს როგორც ოვერლოკის, ასევე ბრტყელნაკერიანი მანქანის ფუნქციებს ერთად. მისი უპირატესობაა ის, რომ ის აერთიანებს ამ ორი მანქანის ფუნქციებს და ნაკლებ ადგილს იკავებს, აგრეთვე ამ ტიპის საკერავ მანქანას შეუძლია მრავალი სახის ნაკერის შესრულება. თუმცა ნაკლია ის, რომ საჭიროა მისი გადართვა ერთი სახის ნაკერიდან მეორეზე, როდესაც ამის საჭიროება არსებობს, რაც არცთუ ისე მოსახერხებელია.

მაქო ეს არის სპეციალური მექანიზმი, რომელიც უზრუნველყოფს მარყუჟის დაჭერას და მის შემოხვევას კოჭზე. არსებობს მაქოს რამოდენიმე სახეობა: რყევადი - ამ ტიპის მაქო გავრცელებულია დაბალი ფასის მქონე მოდელებში. მისი მოხმარებისას წარმოიშვება ვიბრაცია, რომელიც შესამჩნევად ზღუდავს კერვის სისწრაფეს და ნაკერის სიგანეს, რაც თავისთავად აუარესებს თავად ნაკერის ხარისხს. ვერტიკალური - ამ ტიპის მაქოს მუშაობა შედარებით უხმაუროა, ვიბრაციაც შესამჩნევად შემცირებულია და ის არ გამოტოვებს ნაკერს. აგრეთვე აღსანიშნავია ძაფის დაჭიმულობის რეგულირების მოსახერხებელი ფუნქცია. ამ ტიპის მაქოებისთვის მაქსიმალურად შემცირებულია ძაფის აბურდვის რისკი. ჰორიზონტალური - ეს არის ყველაზე მარტივი და მოსახერხებელი მაქოს ტიპი. ამ ტიპის მაქოებს გააჩნიათ ვერტიკალურის ყველა ფუნქცია. ის უზრუნველყოფს ძაფის კოჭზე დახვევის გამარტივებულ პროცესს. მაქოს ეს ტიპი ითვლება ყველაზე უფრო საიმედოდ და ხარისხიანად. მისი მეშვეობით ზუსტად შეძლებთ დარჩენილი ძაფის რაოდონობის შეფასებასა და კონტროლს. სწორედ ამ ტიპის მაქოს აქვს ვიბრაციის მინიმალური მაჩვენებლები.

ამ ფუნქციის საშუალებით ხდება ნაკერის სიგრძის რეგულირება.

მარყუჟის ფორმირება შესაძლებელია ორი რეჟიმის საშუალებით: მარყუჟის ავტომატურ ფორმირებას ახდენს კომპიუტერიზირებული მანქანები. ეს პროცესი ხორციელდებასპეციალური დამჭერი ფეხის საშუალებით. ამფუნქციის უპირატესობაა ის, რომ მარყუჟის ფორმირება ხდება ღილის ზომის შესაბამისად. ამისათვის ის თავსდება სპეციალურ გასაზომ აპარატში, ხდება მისი გაზომვა და მარყუჟის ფორმირება, შემდეგ მანქანა იმახსოვრებს ერთხელ გაკეთებული მარყუჟის ზომას და შესაძლებელია მისი გამეორება თქვენთვის სასურველი რაოდენობით. არსებობს ისეთი მანქანები, რომლებსაც არ გააჩნიათ ღილის გამზომი, ასეთ მანქანებში ხდება სასურველი მარყუჟის ზომის არჩევა და დაფიქსირება მილიმეტრებში. მარყუჟის ნახევრად ავტომატური ფორმირება ხორციელდება ნაკერის დამაგრების და ზიგზაგის რეჟიმების მექანიკური გადართვით.

ეს ფუნქცია გააჩნია ძვირადღირებულ მოდელებს და გულისხმობს ძაფის ნემსში ავტომატურ გაყრას, რაც ძალიან გამოსადეგია ძაფების ხშირი ცვლის დროს. ძაფის გაყრა ხორციელდება სპეციალური ძაფგამყრელით, რომელშიც თავსდება ძაფის ბოლო, ხოლო სპეციალური სახელურით ან ღილაკით კი ხორციელდება მისი მიტანა ნემსთან და შემდეგ კი ერთი მოქმედებით გაყრა ყუნწში. თქვენი ამოცანაა მხოლოდ გამოსწიოთ ძაფი ხელით და დაიწყოთ კერვა.

რევერსის ღილაკი საშუალებას იძლევა კერვა განხორციელდეს უკუმიმართულებით.

ეს არის სპეციალური სანათი, რომელიც ჩამონტაჟებულია საკერავ მანქანაში და საშუალებას მოგცემთ უკეთ დაინახოთ სამუშაო ზედაპირი არასაკმარისი განათების დროს.

ეკრანი (ფერადი ან მონოქრომული), რომელზეც აისახება მოწყობილობის სამუშაო რეჟიმი.