ეპილატორები შეგვიძლია დავყოთ 3 ტიპად: სტანდარტული (კლასიკური) ეპილატორები. ასეთ ეპილატორს გააჩნია პინცეტებით ან დისკებით აღჭურვილი ბრუნვადი საცმი, რომლის წრიულად ბრუნვის დროს ხდება პინცეტების ერთმანეთთან შეხება, რითაც ის იჭერს თმას და გლეჯს მას ფესვიანად. რაც მეტია პინცეტების რაოდენობა მით უკეთ და სწრაფად იმოქმედებს ეპილატორი. ფოტოეპილატორები - ასეთი ეპილატორები მკვეთრი სინათლის სხივის მეშვეობით ახდენენ თმის საფარის მოცილებას. ლაზერული - ეპილაციის პროცესი ხდება ძლიერი ლაზერული სხივის მეშვეობით. დეპილატორები - ეპილატორებისგან განსხვავებით ისინი ახდენენ თმის მოცილებას მხოლოდ კანის ზედაპირიდან (ამ დროს არ ხდება თმის ფესვიანად მოცილება).

სიჩქარის რეჟიმების რაოდენობა მოწყობილობაში, რომლებიც შესაძლებლობას გაძლევთ თავად აირჩიოთ მოწყობილობის მუშაობის სიჩქარე და ცვალოთ ის ნაზი რეჟიმიდან (მგრძნობიარე უბნებისთვის და კორექტირებისთვის) ინტენსიურამდე (ამ დროს თმის მოშორება ხდება გაცილებით სწრაფი და ეფექტური).

არსებობს ეპილაციის რამდენიმე ტიპი. ნოტიო - ასეთი ტიპის ეპილაცია შესაძლებელია გაკეთდეს შხაპის მიღების დროს. ამ შემთხვევაში ეპილატორის კონსტრუქცია გათვლილია წყლალთან კონტაქტზე. მშრალი - სტანდარტული ეპილაციის ტიპი. ასეთი ეპილატორები არ არის გათვლილი სისველესთან კონტაქტზე.

დღეისთვის სარეცხ მანქანებში გამოიყენება ორი ტიპის ძრავი: კოლექტორული და ინვერტორული. სარეცხი მანქანების უმეტესობა აღჭურვილია კოლექტორული ძრავით, მისი მთავარი მახასიათებლებია კომპაქტურობა და შედარებით დაბალი ხმაურის დონე. როგორც წესი კოლექტორული ტიპის ძრავების გადაბმულობა სარეცხ ბარაბანთან ხორციელდება სპეციალური ღვედის მეშვეობით. რაც შეეხება ინვერტორული ტიპის ძრავებს ამ ძრავებით აღჭურვილნი არიან შედარებით ძვირადღირებული მოდელები (გამომდინარე ასეთი ძრავების დამზადების ძვირადღირებული პროცესიდან). ინვერტორული ტიპის ძრავების უპირატესობა მდგომარეობს მათ კომპაქტურობაში, და ბარაბანთან მათ გადაბმულობაში (განსხვავებით კოლექტორული ძრავისგან ინვერტორული ძრავა პირდაპირ ბარაბანზე ერთდება და აქედან გამომდინარე კიდევ უფრო ნაკლებ ადგილს იკავებს, მცირდება ვიბრაციის და ხმაურის დონე, იზრდება სამუშაო რესურსი).

არსებობს ორნაირი ტიპის აირი გამათბობლებისთვის . ბუნებრივი აირი. გაზის გამათბობლების უმეტესობა სწორედ ამ ტიპის აირზე სამუშაოდაა გათვლილი. ამ ტიპის აირი არის ყველა სტანდარტულ გაზიფიცირებულ შენობაში. თხევადი აირი, რომელიც სხვადასხვა მოცულობის ბალონების მეშვეობით უერთდება გამათბობელს და ბალონის დაცლის შემთხვევაში საჭიროა მისი ხელახლა დატენვა.

გაზის გამათბობლის მიერ ერთ საათში მოხმარებული აირის რაოდენობა.

მოწყობილობის სამუშაოდ შეიძლება გამოიყენებოდეს კვების შემდეგი ტიპი: სადენზე, აკუმულატორზე, ელემენტზე, კომბინირებული (სადენზე და აკუმულატორზე ერთად) და მანქანის სანთებელაზე მომუშავე. აკუმულატორზე მომუშავე მოწყობილობების უპირატესობას წარმოადგენს ის, რომ არ ხარ დამოკიდებული კვების წყაროსთან ახლოს ყოფნაზე. მისი მოხმარებისას ხელის მოძრაობა არ არის შეზღუდული სადენით. მათი სიმძლავრე უფრო ნაკლებია სადენზე მომუშავე მოდელებთან შედარებით, თუმცა ისინი თავისუფლად ართმევენ თავს დაკისრებულ მოვალეობას. სადენზე მომუშავე მოდელების მუშაობის დრო არ არის შეზღუდული. ერთადერთი რაც საჭიროა ეს არის ელექტროენერგია. ელემენტებზე მომუშავე მოწყობილობები იდეალურია სამგზავროდ. ხოლო მოწყობილობები, რომლებიც მუშაობს ავტომობილის სანთებელაზე გამოადგებათ მომხმარებლებს, რომლებიც დიდ დროს ატარებენ გზაში. საუკეთესო ვარიანტს შეადგენს ისეთი მოწყობილობები, რომლებიც მუშაობენ როგორც აკუმულატორზე, ისე სადენზე.

მოწყობილობის საცმის გამდინარე წყლით წმენდის შესაძლებლობა.

უსაფრთხოების სისტემა, რომელიც ცეცხლის ალის ჩაქრობის შემთხვევაში ავტომატურად წყვეტს გაზის მიწოდებას სისტემაში.

ცეცხლგამძლე მინის სარკმელი წვის კამერაში, საშუალებას გვაძლევს დავაკვირდეთ გამათბობლის მუშაობის პროცესს და ასევე მნიშვნელოვანი ელემენტია გამათბობლის დიზაინის მხრივაც.

არსებობს მტვერსასრუტების შემდეგი სახეობები: სტანდარტული, ვერტიკალური, კომპაქტური და რობოტი-მტვერსასრუტები. ისინი განსხვავდება არამარტო დიზაინით და ფასით, არამედ მთელი რიგი ფუნქციებითაც. სტანდარტული გამოიყენება სახლის პირობებში, ვერტიკალური შედარებით დიდი გაბარიტებისაა და მათ სიმძლავრეც მეტი აქვთ, ამიტომ გამოიყენებენ დიდი ფართების დალაგებისას, ძირითადად აგარაკების და ოფისების. ხოლო კომპაქტური ტიპი კი გამოიყენება მანქანის გასასუფთავებლად და მცირე ზომის ზედაპირიდან, მაგ ავეჯის რომელიმე სახეობიდან მტვრის ასაღებად. რობოტი-მტვერსასრუტები შედარებით ახალი შემოსულია ბაზარზე, თუმცა ისინი სულ უფრო და უფრო მეტ პოპულარობას იძენს. მტვერსასრუტების ეს ტიპი განკუთვნილია ყოველდღიური დალაგებისთვის და დაკავებული დიასახლისების მარჯვენა ხელს წარმოადგენენ, რადგან თავად, დისტანციური პულტის დახმარებით და ადამიანის დალაგების პროცესში უშუალო ჩართვის გარეშე უმკლავდებიან დაკისრებულ სამუშაოს.

სიმძლავრე მტვერსასრუტებისათვის ყველაზე მთავარ მახასიათებელს წარმოადგენს. მტვერსასრუტების სიმძლავრე გამოსახავს მოხმარებული ელექტროენერგიის რაოდენობას. ეს პარამეტრი მერყეობს 1000-3000 ვტ-მდე.

მოწყობილობის სამუშაოდ შეიძლება გამოიყენებოდეს კვების შემდეგი ტიპი: სადენზე, აკუმულატორზე, და მანქანის სანთებელაზე (12V) მომუშავე. აკუმულატორზე მომუშავე მოწყობილობების უპირატესობას წარმოადგენს ის, რომ არ ხარ დამოკიდებული კვების წყაროსთან ახლოს ყოფნაზე. მათი სიმძლავრე უფრო ნაკლებია სადენზე მომუშავე მოდელებთან შედარებით. სადენზე მომუშავე მოდელების მუშაობის დრო არ არის შეზღუდული. ერთადერთი რაც საჭიროა ეს არის ელექტროენერგია. ხოლო მოწყობილობები, რომლებიც მუშაობს ავტომობილის სანთებელაზე (12V) გამოიყენება ავტომობილის ინტერიერის დასასუფთავებლად.

არსებობს მტვრის სათავსოს 4 ძირითადი ტიპი: ნაჭრის ტომარა, ქაღალდის ტომარა, პლასტმასის კონტეინერი და წყლის კონტეინერი. ნაჭრის ტომრები ძალიან პოპულარულია, რადგან ის მრავალჯერადი მოხმარებისაა, თან საკმაოდ ტევადიც, მაგრამ მისი ნაკლია ის, რომ მათი გასუფთავებისას ხდება მტვერთან უშუალო კონტაქტი, რაც უდავოდ არასასიამოვნოა და აგრეთვე ის, რომ მათ მტვრის მცირე ნაწილაკების შეკავების უნარი არ გააჩნიათ. ამ მხრივ ქაღალდის ტომარა უფრო საიმედოა, რადგან ის შედგება რამოდენიმე ფენისგან და უფრო უკეთ იკავებს მტვერს, თუმცა საჭიროა მათი ხშირი ცვლა, რაც ძალიან არაკომფორტულია და დამატებით ხარჯებთანაა დაკავშირებული. პლასტმასის კონტეინერი ყველაზე მოსახერხებელია. ის არამარტო მყარად იკავებს მტვერს, არამედ არ საჭიროებს ხშირ წმენდას, ხოლო თავად წმენდის პროცესი კი ნაჭრის ტომარასთან შედარებით ბევრად უფრო კომფორტული და მოსახერხებელია. გარდა ამისა, ის როგორც წესი, გამჭვირვალეა, რაც საშუალებას იძლევა აკონტროლოთ მასში მტვრის დონე. თუმცა გასათვალისწინებელია ისიც, რომ ასეთი ტიპის კონტეინერის ხარჯზე საგრძნობლად იზრდება მტვერსასრურის გაბარიტები, ამიტომ თუ თქვენ გჭირდებათ მცირეგაბარიტიანი მტვერსასრუტი ეს ვარიანტი არ გამოგადგებათ. წყლის რეზერვუარები ფართოდაა გავრცელებული, რადგან მათი მეშვეობით ჰაერი რჩება უფრო სუფთა და ტენიანდება, რაც ერთგვარ კომფორტს ქმნის, მაგრამ მისი ნაკლია ის, რომ ასეთი კონტეინერი მტვერსასრუტის ყოველი გამოყენების შემდეგ აუცილებლად საჭიროებს ჭუჭყიანი წყლის გადაღვრას და თავად კონტეინერის გარეცხვა-გაშრობას, რაც ცოტა მოუხერხებელია. თუმცა ეს ტიპი პირდაპირ მისწრებაა ალერგიული ადამიანებისთვის, რადგან მტვერთან ურთიერთობა გამორიცხულია, როგორც დალაგების პროცესში, ასევე კონტეინერის გასუფთავების ანუ წყლის გადაღვრის პროცესშიც.

მშრალი ან სველი წმენდის ტიპი. მშრალი წმენდის შემთხვევაში მტვერსასრუტი მუშაობს სტანდარტულ რეჟიმში (მშრალ გარემოში იწოვს მტვერს). სველი წმენდის მქონე მტვერსასრუტებს შეუძლიათ სველ გარემოში მუშაობა, მათი უმეტესობა აღჭურვილია სპეციალური სარეცხი სისტემით, რომლითაც ხდება იატაკის მორეცხვა და შემდეგ მისი მტვერსასრუტით დასუფთავება.

არსებობს სარეცხი მანქანის ორი ტიპი: დასადგმელი (სტანდარტული) და ჩასაშენებელი. თითოეული მათგანი განსხვავდება ერთიმეორისაგან და გააჩნიათ საკუთარი უპირატესობები. მაგალითად დასადგმელი სარეცხი მანქანები გამოირჩევიან თავიანთი დიზაინით, ასეთი სარეცხი მანქანის შეძენისას მომხმარებელმა წინასწარ უნდა განსაზღვროს თუ რამდენად მოუხდება სარეცხი მანქანა მისი აბაზანის ან სამზარეულოს ინტერიერს. ჩასაშენებელი სარეცხი მანქანის შემთხვევაში მომხმარებელი უფრო თავისუფალია არჩევანში, რადგანაც ამ ტიპის სარეცხი მანქანები ნებისმიერი ინტერიერს შეიძლება შევუხამოთ, გარდა ამისა ჩასაშენებელი სარეცხი მანქანები სხვებთან შედარებით მცირე ადგილს იკავებენ, რადგანაც მათი მონტაჟი ხდება უშუალოდ ავეჯში და შედეგად იქმნება დიზაინი, რომელიც ერთ მთლიანობას წარმოადგენს.

სარეცხი მანქანის ჩატვირთვის ტიპი დამოკიდებულია სარეცხის ჩასატვირთი ლუქის ადგილმდებარეობაზე. ფრონტალური ჩატვირთვის მქონე სარეცხ მანქანებში სარეცხის ჩასატვირთი ლუქი მოთავსებულია მანქანის წინა (ფრონტალურ) მხარეს. ასეთი ტიპის სარეცხ მანქანებში სარეცხის ჩასატვირთი ლუქი მზადდება გამჭვირვალე მასალისგან, რათა ადვილად ვაკონტროლოთ რეცხვის ხარისხი. კიდევ ერთი უპირატესობა რაც ამ ტიპის მანქანებს აქვთ არის ის, რომ საჭიროების შემთხვევაში შეგვიძლია მათი ხელასაბანის ან თაროს ქვეშ მოთავსება. ვერტიკალური ჩატვირთვის შემთხვევაში სარეცხის ჩასატვირთი ლუქი მოთავსებულია მანქანის ზედა მხარეს, რაც ასეთი ტიპის სარეცხ მანქანებს უფრო კომპაქტურს ხდის ფრონტალური ჩატვირთვის მქონე მანქანებთან შედარებით, რომელთა ლუქის გაღების შემთხვევაში საჭიროა დამატებითი სივრცე მანქანის წინ. ვერტიკალური ჩატვირთვის მქონე სარეცხი მანქანები თავისი სპეციფიურობიდან გამომდინარე უფრო ნაკლებადაა გავრცელებული და ტექნოლოგიური მახასიათებლებითაც შედარებით ჩამორჩება ფრონტალურ სარეცხ მანქანებს (მარტივი კონსტრუქცია, რეცხვის პროგრამების ნაკლები რაოდენობა)

ყველა სარეცხ მანქანას გააჩნია თავისი ინდივიდუალური, სარეცხის მაქსიმალური წონა. ეს პარამეტრი გულისხმობს მშრალი სარეცხის მაქსიმალურ წონას რომლის გარეცხვაზეც გათვლილია სარეცხი მანქანის კონკრეტული მოდელი. სარეცხის წონა შეიძლება იყოს 4კგ-დან (კომპაქტური მოდელები) 10კგ-მდე. საშუალო მაჩვენებლად ითვლება 6-7კგ რაც სავსებით საკმარისია მომხმარებელთა უმეტესობისათვის. 10კგ-ზე მეტი მაჩვენებლის მანქანები გამოიყენება სასტუმროებსა და სპეციალურ დაწესებულებებში (სამრეცხაო, ქიმწმენდა).

ბარაბნის ბრუნვის მაქსიმალური სიჩქარე წურვის დროს. რაც უფრო მაღალია ბრუნების რაოდენობა მით უფრო ეფექტურად ხდება სარეცხის გაწურვა, მაგრამ უნდა გავითვალისწინოთ, რომ ყველა ტიპის ქსოვილი ერთნაირად ვერ უძლებს მაღალი ბრუნით გაწურვას. ამიტომ სიჩქარე 1000ბრ/წთ უნდა გამოვიყენოთ შედარებით გამძლე ქსოვილების წურვის დროს. თანამედროვე სარეცხ მანქანებში ჩვენ შეგვიძლია თვითონ ვარეგულიროთ წურვის ბრუნვათა რაოდენობა და თუ საჭირო გახდა შეგვიძლია საერთოდ გამოვრთოთ წურვის რეჟიმი (განსაკუთრებით დელიკატური ქსოვილის რეცხვისას). წურვის მაქსიმალურ სიჩქარეზეა დამოკიდებული სარეცხი მანქანის ეფექტურობა (გაწურვის კლასი), თუმცა მარტო ეს პარამეტრი არ არის განმსაზღვრელი, დიდ როლს ასრულებს ასევე ბარაბნის დიამეტრი და წურვის ხანგრძლივობა. ამიტომ ერთნაირი წურვის სიჩქარის მქონე მანქანებს შეიძლება სხვადსხვა ეფექტურობის კლასი (გაწურვის კლასი) ჰქონდეთ.

ენერგომოხმარების კლასი მსარეცხ მანქანებში აღინიშნება ლათინური ასოებით ”A”-დან ”G”-მდე სადაც ”A” ნიშნავს ყველაზე ეკონომიურ ვარიანტს ხოლო ”G” პირიქით ყველაზე არაეკონომიურს (რაც უფრო დაშორებულია მაჩვენებელი ლათინურ ასო ”A”-ს (B,C,D...) მით უფრო მეტ ენერგიას მოიხმარს ტექნიკა). დღეისათვის თითქმის ყველა თანამედროვე სარეცხი მანქანის ენერგომოხმარება შემცირებულია და ნორმის ფარგლებს არ სცილდება, ამაზე თვითონ მწარმოებლები ზრუნავენ და ყველანაირად აუმჯობესებენ თავიანთ პროდუქციას. არსებობენ კიდევ ”A++” და ”A+++” კლასის მანქანები, რომლებსაც ენერგოეფექტურობის ყველაზე მაღალი მაჩვენებელი აქვთ.

არსებობს მაცივრის რამდენიმე ტიპი: დასადგმელი (სტანდარტული), ჩასაშენებელი და გადასატანი. თითოეული მათგანი განსხვავდება ერთიმეორისაგან და გააჩნიათ საკუთარი უპირატესობები. მაგალითად დასადგმელი მაცივრები გამოირჩევიან თავიანთი დიზაინით, ასეთი მაცივრის შეძენისას მომხმარებელმა წინასწარ უნდა განსაზღვროს თუ რამდენად მოუხდება მაცივარი მისი სამზარეულოს ინტერიერს. ჩასაშენებელი მაცივრის შემთხვევაში მომხმარებელი უფრო თავისუფალია არჩევანში, რადგანაც ამ ტიპის მაცივრები ნებისმიერი სამზარეულოს ინტერიერს შეიძლება შევუხამოთ, გარდა ამისა ჩასაშენებელი მაცივრები სხვებთან შედარებით მცირე ადგილს იკავებენ სამზარეულოში, რადგანაც მათი ჩაშენება ხდება უშუალოდ სამზარეულოს ავეჯში და შედეგად იქმნება სამზარეულოს დიზაინი, რომელიც ერთ მთლიანობას წარმოადგენს. გადასატანი მაცივრები წარმოადგენენ შედარებით მცირე ზომის მოწყობილობებს, მაგალითად ასეთ ტიპს მიეკუთვნება ე.წ. მანქანის მაცივრები, რომლებიც მანქანის ელ. კვებისგან იღებენ ენერგიას. ასევე ამ ტიპის მაცივრებში გადის პატარა ერთკამერიანი მაცივრები, რომლებსაც პატარა ოფისებში ან მცირე ზომის სასტუმროებში ხმარობენ.

სახეობების მიხედვით მაცივრები იყოფა: ერთკამერიან, ორკამერიანი, სამკამერიანი და ”Side-by-side” (გვერდი-გვერდ) მაცივრებათ. ერთკამერიან მაცივარს აქვს ერთი კარი, რომელიც მაცივრის ძირითად განყოფილებას და საყინულეს აერთიანებს.ასეთ მაცივრებს როგორც წესი შედარებით მცირე ზომის საყინულე კამერები აქვთ. ორკამერიანი მაცივრების შემთხვევაში ძირითად განყოფილებას და საყინულეს ცალ-ცალკე კარები გააჩნია, ხოლო საყინულე კამერა საკმაოდ დიდი ზომისაა. ორკამერიან მაცივრებში საყინულე შეიძლება იყოს, მაცივრის ზედა ან ქვედა მხარეს, ეს მწარმოებლის კონკრეტულ მოდელზეა დამოკიდებული. სამკამერიანი - იგივე ორკამერიანი მაცივარია, რომელსაც კიდევ ერთი განყოფილება აქვს დამატებული. რაც შეეხება ”Side-by-side” (გვერდი-გვერდ) მაცივრებს თავისი მახასიათებლით ეს მაცივრები ორკამერიან მაცივრებს გვანან, ძირითადი სხვაობა არის კამერების განლაგებაში თუ ორკამერიანი მაცივრის საყინულე და სამაცივრე განყოფილებები ვერტიკალურადაა განლაგებული ”Side-by-side” (გვერდი-გვერდ) მაცივრის კამერები ერთმანეთის გვერდი-გვერდაა მოთავსებული, ასეთი მაცივრები ყველაზე დიდი გაბარიტებით გამოირჩევიან და შესაბამისად მეტი პროდუქტის შენახვის შესაძლებლობასაც გვაძლევენ.

თანამედროვე მაცივრის სისტემა შეიძლება იყოს ორი სახის: ნახევრად მშრალი და მშრალი ყინვის ე.წ. ”No Frost”. ნახევრად მშრალი - ამ სისტემის მაცივრებში შეიძლება შეგვხვდეს ორნაირი ტიპის გალღობის სისტემა: "წვეთოვანი" და მექანიკური. "წვეთოვანი" გალღობის მქონე სისტემაში ყინულის თხელი ფენა წარმოიქმნება მაცივრის უკანა კედელზე. შემდეგ ავტომატურად ხდება ყინულის გალღობა და სპეციალური არხების მეშვეობით დამდნარი ყინული იღვენთება სპეციალურ ასაორთქლებელ ელემენტზე საიდანაც ხდემა მისი აორთქლება. მექანიკური გალღობის სისტემის შემთხვევაში მაცივრის ყინულის საფარის გალღობა ხდება მექანიკურად (მაცივრის გამორთვით). ”No Frost” სისტემის შემთხვევაში სპეციალური სავენტილაციო არხების მეშვეობით ხდება ცივი ჰაერის ცირკულაცია მაცივრის შიდა კამერებში (ყინული არ წარმოიქმნება მაცივრის კედლებზე).

საყინულე კამერის მდებარეობა მაცივარში. საყინულე შეიძლება იყოს მაცივრის ზედა ან ქვედა განყოფილებაში.

გაზის გამათბობელი შეიძლება იყოს კედელზე დასაკიდი ან დასადგამი ტიპის.

გამათბობლის ნორმალურად ფუნქციონირებისათვის მაქსიმალურად დასაშვები ფართობი.

გამათბობლის სიმძლავრე ძალიან მნიშვნელოვანი მახასიათებელია, რომელიც იზომება კილოვატებში (kW). ითვლება, რომ 1 kW სიმძლავრის გამათბობელს შეუძლია 10-15 მ² -მდე ფართის გათბობა. მაგალითად თუ გაზის გამათბობლის სიმძლავრე არის 4.2 kW ეს ნიშნავს იმას, რომ ის გათვლილია 50-60 მ² ფართის გასათბობად.

არსებობს გამათბობლის წვის კამერის ორი ტიპი: დახურული კამერა. ამ დროს გამათბობელი აირის წვისათვის განკუთვნილ ჟანგბადს იღებს გარედან და აირის ნამწვავსაც ისევ გარეთ აბრუნებს სპეციალური კოაქსიალური მილის მეშვეობით. ეს ყველაფერი ზრდის მის უსაფრთხოების დონეს. ღია წვის კამერის შემთხვევაში აირის წვისათვის ხდება ოთახში არსებული ჟანგბადის მოხმარება. ასეთ გამათბობლებს არ გააჩნია კოაქსიალური მილი ამიტომ აირის ნამწვავის გამოფრქვევა ხდება ოთახში. ამ ტიპის გამათბობლები ნაკლებად უსაფრთხოა და მათი გამოყენება დახურულ სივრცეში არ შეიძლება.